Skriv med sansane!

Dine 5 hemmelige

SUPERKREFTER

 

 

Eg meiner bestemt at alle kan bli betre til å skriva. 


Ein av nøklane til å skriva meir levande er å bruka dei gåvene eller superkreftene du alt har.

Eg snakkar om sansane.
 

Me har alle sansar, det er berre å ta dei i bruk. Dette kurset er laga for deg som vil skriva meir sanselig og levande.

 

KURSET er i 8 modular:

 

  • MODUL 1:
    INNLEIING
    Korleis du kan bruka dei 5 primærsansane dine når du skriv, sånn at teksten din blir betre.
     
  • MODUL 2:
    SYNET
    Korleis skildra det du ser og det du ikkje ser?
     
  • MODUL 3:
    HØRSEL
    Er det lydar rundt deg du ikkje legg merke til? Kva skjer når du finstiller øyra og korleis reagerer du på støy?
     
  • MODUL 4:
    LUKT. 
    Luktesansen vår er direkte kopla til hjernen. Det er derfor luktesansen er ein av dei aller mest spanande sansane. Vekk til live snushanen i deg. Viss eg seier solkrem, kva luktminne får du opp i hovudet då?
     
  • MODUL 5:
    TRYKK/VARME/KULDE. 
    Huda er kroppens største organ, og me føler med heile dette organet. Kulde, varme, smerte og når nokon stryk oss over kinnet. Men me føler også med innsida av kroppen. Berre tenk på når blodet rusar gjennom kroppen eller når du er så spent at du får mageknip. 
     
  • MODUL 6:
    SMAK.
    Denne sansen er det mange som tar lett på. Det smakar eple... Men kva eple? Raudt, grønt eller gult? Dei smakar alle ulikt! 
     
  • MODUL 7:
    OPPSUMMERING. No knyter me det heile saman igjen. Korleis ha alle sansane på plass når du skriv. Og ikkje minst, bruka dei smart, sånn at skildringane dine ikkje blir masete og berre unødvendig pynt.
     
  • MODUL 8:
    KORLEIS PRAKTISERA DET DU HAR LÆRT? 
    Du må bruka deg sjølv, våga å vera personleg utan å bli privat. Korleis kan du bruka det du no har lært i alt frå små tekstmeldingar, til e-postar og litterære tekstar? For kven blir vel ikkje i godt humør av ein liten sms som inneheld eit godt og vittig språklig bilete?

 

 

     Du får praktiske og kjekke arbeidsoppgåver undervegs i kurset, som utfordrar deg til å jobba med ein sans om gongen. Kurset gir deg Inspirasjon til å bli meir nyfiken på dei dagligdagse tinga du har rundt deg.

 

Som ein liten karamell på slutten vil du vil få ei rå utfordring til å praktisera det du har lært i kurset!
 

Tek DU utfordringa, kan det vanka ein premie! Heile 10 personar vil vinna tilbakemelding på teksten sin i form av ein samtale med meg.

 

 

Praktiske detaljar:

 

  • Du vil får tilgang til heile kurset straks du har meldt deg på.
     
  • Det er 2 live samlingar via zoom. Første samling i januar og andre samling i mars.
  • Etter fullført kurs får du utfordringa! Du skal bruka det du har lært til å skriva ei novelle.  Denne novella kan du delta med i ein konkurranse. 10 personar får ein premie!  Premien er tilbakemelding på teksten din, og gode råd for å bli enno betre til å skriva.
  • Du har tilgang til kurset i eit heilt år. Det betyr at du kan koma tilbake og gjera oppgåvene fleire gonger! 
     
  • Dette kurset har inga Facebookgruppe, du må gjennoføra på eiga hand. Dette blir også ei fin øving for deg i å fullføra noko, utan at nokon held deg i handa heile vegen. Å fullføra eit løp åleine, er noko skrivande menneske treng å vera god på.

 

Skriv med sansane var mitt gledelege lyspunkt i ein merkeleg Koronasommar. Ein genistrek å ta utgangspunkt i sansane i skriveprosessen. Denne metoden klarte å lure meg rundt skrivesperrebommen som var sikra med tre hengelåsar.

 

Skrivekurset er ei oppmoding om å lukte og smake på livet, om vere til stades her og no. Eg likar dei små koselege videoane med ein smilande forfattar i den blomstrande trädgården sin. Dei korte enkle oppgåvene har åpna dører inn til mange historiar som ventar på å verte skrivne.

 

Eg er glad eg oppdaga dette kurset til Ingelin på Facebook. Tenkjer eg har fått veldig mykje for pengane. Ingelin deler generøst av sine erfaringar og kloke tankar. Ho er eit ekte menneske, og ein ekte forfattar. 

 

Skriv med sansane er G L E D E !

Karin Vatne, skrivande menneske

Er dette eit kurs for DEG?

 

  • Ja, viss du elskar å skriva og vil skriva enno betre.
     
  • Ja, viss du synest det er vanskelig å skriva godt og kjenner motstand til å setja deg ned for å skriva e-postar, brev, referat eller til og med julekort.
     
  • Ja, viss du jobbar i skule eller barnehage. Du får lov til å bruka alt du har lært i kurset, gjera din vri på det og gi det vidare til barn og unge.
     
  • Ja, viss du ønskjer å utforska di eiga forfattarstemme.
     
  • Ja, viss du har gløymt å kjenna etter kva maten smakar, korleis det er å gå berføtt på ein nyklipt plen, ikkje luktar på blomar lengre eller har slutta å høyra på musikk og synga høgt og falskt til stereoanlegget i bilen.
     
  • Nei, viss du berre er ute etter kjappe og universelle løysingar
     
  • Nei, viss du har ein tendens til å kjøpa kurs du ikkje fullfører
     
  • Nei, viss du alt skriv som ein superhelt og har både bøker og prisar under vesten!

 

Når folk seier at ein må bli betre til å skildra, er det djupast sett koplinga mellom sansar til minner og assosiasjonar dei siktar til.

 

Den gode nyheita er at dette kan du læra deg!

 

Det å skildra er nemlig litt som å krydra ein matrett. Du må smaka til maten under vegs, litt om gangen. OG blir det ein for hot chilli con carne? Ja, då kryddrar du mindre neste gong. Du må altså øva.

 

Bli meir merksam på det du sansar

599,- NOK

   

 

 

Nei, eg kjem ikkje til å snakka masse om kor råbillig dette er.

Du kjenner innsida av både lommeboka di og hjarta ditt sjølv.

Kjøp kurset viss du treng det, og kjenner at du har tid til å fullføra det.
Viss du er klar for å sleppa laus dei 5 superkreftene i skrivinga di.

Klar til å spenna bogen stramt og sikta orda dine rett i hjarta på lesarane.

 

 

LITT OM MEG:

 

Mitt namn er Ingelin Røssland. Eg er fødd på Tysnes i Sunnhordland og debuterte som 22-åring på Det Norske Samlaget med romanen Viss du vil i 1998. Eg er utdanna skodespelar, journalist og dokumentarfilmregissør, og har jobba i fleire lokalaviser og i NRK.

 

Eg har gitt ut 20 bøker i ulike sjangrar, både for barn, ungdom og vaksne. For desse bøkene har eg vunne fleire prisar, mellom andre Uprisen for romanen Handgranateple, ei bok som også blei omsett til tysk. Andre språk eg er omsett til er fransk, engelsk, dansk, færøysk, serbisk og sørsamisk. Det lengste orda mine har reist er til Kina, der barn kan lesa godnatthistoriar eg har skrive.

 

 

Skriv med sansene har vært en øyeåpner for meg. Jeg har brukt det jeg har lært til å gjøre manuset mitt bedre. Har fått gode tilbakemeldinger fra pilotleserne på manuset etter at jeg ble ferdig med kurset. Anbefaler sterkt!

Noshin Saghir, skribent


Ingelin formidler så fint, så lekende og lett, så engasjerende uten å være masete. Jeg blir glad av måten hun formidler og inspirerer på.

Kari Anna Sandvik, daglig leder Alvens

Kurset har gitt meg ei skikkeleg oppvakning. Å skrive med hjartet kan gjere alle tekstane mine betre. Om eg får det til kvar gong, i kvart kapittel, er eg ikkje sikker på, men eg prøver i alle fall

Tordis Lunde, skrivande menneske

Ingelin Røssland 2020